ᠨᠡᠶᠢᠲᠡ ᠶ᠋ᠢᠨ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠳ᠋ᠤ ᠬᠠᠬᠠᠤᠯᠢ ᠥᢉᠦᢉᠰᠡᠨ ᢈᠡᠷᠡᢉ ᠦ᠋ᠳ ᠢ᠋ ᠰᠢᢉᠦᢈᠦ ᠳ᠋ᠦ ᠰᠢᠯᠵᠢᢉᠦᠯᠯᠦᢉᠡ
ᠫᠷᠣᠻᠦ᠋ᠷᠣᠷ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠒᠐᠒᠖ ᠣᠨ ᠤ᠋ ᠑᠑ ᠳ᠋ᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠐᠙- ᠦ᠋ ᠡᠳᠦᠷ ᠡᠴᠡ ᠑᠓- ᠤ᠋ ᠡᠳᠦᠷ ᠢ᠋ ᢈᠦᠷᠲᠡᠯᢈᠢ ᠬᠤᠭᠤᠴᠠᠭᠠᠨ ᠳ᠋ᠤ ᢈᠡᠷᠡᢉ ᠪᠦᠷᠢᠳ᠋ᢈᠡᠯᠲᠡ᠂ ᠮᠥᠷᠳᠡᠨ ᠪᠠᠶᠢᠴᠠᠭᠠᠯᠲᠠ ᠶ᠋ᠢᠨ ᠔᠓,᠒᠒᠙ ᠡᠷᠦᢉᠦ ᠶ᠋ᠢᠨ ᢈᠡᠷᠡᢉ ᠲᠦ ᢈᠢᠨᠠᠯᠲᠠ ᠲᠠᠯᠪᠢᠭᠰᠠᠨ᠃ ᠳᠡᢉᠡᠷᠡᢈᠢ ᠬᠤᠭᠤᠴᠠᠭᠠᠨ ᠳ᠋ᠤ ᠑,᠕᠕᠓ ᢉᠡᠮᠲᠦ ᢈᠡᠷᠡᢉ ᠦ᠋ᠨ ᠰᠢᠨᠵᠢ ᠲᠡᠢ ᠭᠣᠮᠤᠳᠠᠯ᠂ ᠮᠡᠳᠡᢉᠡᠯᠡᠯ ᠪᠦᠷᠢᠳ᠋ᢈᠡᢉᠳᠡᢉᠰᠡᠨ ᠪᠣᠯ ᢈᠡᠷᠡᢉ ᠪᠦᠷᠢᠳ᠋ᢈᠡᠯᠲᠡ ᠶ᠋ᠢᠨ ᠗᠙᠓ ᢈᠡᠷᠡᢉ ᠰᠢᠨᠡ ᠪᠡᠷ ᠨᠡᢉᠡᢉᠡᠵᠦ᠂ ᠓᠙᠑ ᢈᠡᠷᠡᢉ ᠲᠦ ᠫᠷᠣᠻᠦ᠋ᠷᠣᠷ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᢉᠰᠡᠨ ᠪᠠᠶᠢᠨᠠ᠃
ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᢉᠰᠡᠨ ᢈᠡᠷᠡᢉ ᠢ᠋ ᠲᠣᠳᠣᠷᠠᠭᠤᠯᠪᠠᠯ᠂ ᢈᠦᠮᠦᠨ ᠦ᠋ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠬᠠᠯᠳᠠᠰᠢ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᠡᠰᠡᠷᢉᠦ ᠑᠖᠓᠂ ᠥᠮᠴᠢᠯᠡᢈᠦ ᠡᠷᢈᠡ ᠶ᠋ᠢᠨ ᠡᠰᠡᠷᢉᠦ ᠘᠖᠂ ᢈᠥᠳᠡᠯᢉᠡᠭᠡᠨ ᠦ᠋ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ᠂ ᠲᠡᢉᠡᠪᠦᠷᠢ ᠶ᠋ᠢᠨ ᢈᠡᠷᠡᢉᠰᠡᠯ ᠦ᠋ᠨ ᠠᠰᠢᠭᠯᠠᠯᠲᠠ ᠶ᠋ᠢᠨ ᠵᠢᠷᠤᠮ ᠤ᠋ᠨ ᠡᠰᠡᠷᢉᠦ ᠗᠔᠂ ᠠᠪᠢᠯᠭᠠ ᠶ᠋ᠢᠨ ᠡᠰᠡᠷᢉᠦ ᠑᠗᠂ ᢈᠦᠮᠦᠨ ᠦ᠋ ᠪᠡᠯᢉᠡ ᠶ᠋ᠢᠨ ᠡᠷᢈᠡ ᠴᠢᠯᠦᢉᠡ᠂ ᠬᠠᠯᠳᠠᠰᠢ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᠡᠰᠡᠷᢉᠦ ᠑᠖᠂ ᢈᠦᠷᠢᠶᠡᠯᠡᠨ ᠪᠠᠶᠢᠭᠠ ᠣᠷᠴᠢᠨ ᠤ᠋ ᠡᠰᠡᠷᢉᠦ ᠪᠣᠯᠤᠨ ᢈᠦᠮᠦᠨ ᠦ᠋ ᠠᠮᠢᠳᠤ ᠶᠠᠪᠤᠬᠤ ᠡᠷᢈᠡ ᠶ᠋ᠢᠨ ᠡᠰᠡᠷᢉᠦ ᢉᠡᠮᠲᠦ ᢈᠡᠷᠡᢉ ᠲᠤᠰ ᠪᠦᠷᠢ ᠑᠐᠂ ᠣᠯᠠᠨ ᠨᠡᠶᠢᠲᠡ ᠶ᠋ᠢᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ᠂ ᠠᠰᠢᠭ ᠰᠣᠨᠢᠷᠬᠠᠯ ᠤ᠋ᠨ ᠡᠰᠡᠷᢉᠦ ᠖᠂ ᠡᠳ ᠦ᠋ᠨ ᠵᠠᠰᠠᠭ ᠤ᠋ᠨ ᢉᠡᠮᠲᠦ ᢈᠡᠷᠡᢉ ᠕᠂ ᢈᠦᠮᠦᠨ ᠦ᠋ ᠬᠠᠯᠳᠠᠰᠢ ᠦᢉᠡᠢ᠂ ᠴᠢᠯᠦᢉᠡ ᠲᠡᠢ ᠪᠠᠶᠢᠬᠤ ᠡᠷᢈᠡ ᠶ᠋ᠢᠨ ᠡᠰᠡᠷᢉᠦ ᠓᠂ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠡᠰᠡᠷᢉᠦ ᠑ ᢈᠡᠷᠡᢉ ᠲᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᢉᠰᠡᠨ ᠪᠠᠶᠢᠨᠠ᠃

ᠨᠡᠶᠢᠰᠯᠡᠯ ᠦ᠋ᠨ ᠫᠷᠣᠻᠦ᠋ᠷᠣᠷ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ᠂ ᠥᠩᢉᠡᠷᠡᢉᠰᠡᠨ ᠳᠣᠯᠣᠭᠠ ᠬᠣᠨᠣᠭ ᠲᠤ ᠰᠢᢉᠦᢈᠦ ᠳ᠋ᠦ ᠰᠢᠯᠵᠢᢉᠦᠯᠦᢉᠰᠡᠨ ᠵᠠᠷᠢᠮ ᢈᠡᠷᠡᢉ ᠦ᠋ᠨ ᠲᠠᠯᠠ ᠪᠠᠷ ᠲᠣᠶᠢᠮᠯᠠᠨ ᢈᠦᠷᢉᠡᠵᠦ ᠪᠠᠶᠢᠨᠠ᠃
ᠠᠪᠢᠯᠭᠠ ᠶ᠋ᠢᠨ ᢈᠡᠷᠡᢉ ᠦ᠋ᠨ ᠲᠠᠯᠠ ᠪᠠᠷ
- ᠮ.ᠪ᠂ ᠫ.ᠪ᠂ ᠴ.ᠲ᠂ ᠪ.ᠨ ᠨᠠᠷ ᠨᠢ ᠦᠯᠦ ᢈᠥᠳᠡᠯᢈᠦ ᢈᠥᠷᠦᠩᢉᠡ ᠶ᠋ᠢᠨ ᢉᠡᠷᠴᠢᠯᢉᠡ ᠶ᠋ᠢ ᠭᠠᠷᠭᠠᠭᠤᠯᠤᠨ ᠠᠪᠬᠤ ᠳᠠᠭᠠᠨ ᠲᠤᠰ ᠲᠤᠰ ᠤ᠋ᠨ ᠬᠤᠪᠢ ᠶ᠋ᠢᠨ ᠠᠰᠢᠭ ᠰᠣᠨᠢᠷᠬᠠᠯ ᠳ᠋ᠤ ᠳᠠᠪᠠᠭᠤ ᠪᠠᠶᠢᠳᠠᠯ ᠪᠤᠢ ᠪᠣᠯᠭᠠᠬᠤ ᠵᠣᠷᠢᠯᠭᠠ ᠶ᠋ᠢᠨ ᠡᢉᠦᠳᠡᠨ ᠡᠴᠡ ... ᠳᠡᢉᠦᠷᢉᠡ ᠶ᠋ᠢᠨ ᠤᠯᠤᠰ ᠤ᠋ᠨ ᠪᠦᠷᠢᠳ᠋ᢈᠡᠯ ᠦ᠋ᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ ᠶ᠋ᠢᠨ ᠲᠦᠷ ᠣᠷᠣᠯᠠᠨ ᢉᠦᠢᠴᠡᠳ᠋ᢈᠡᢉᠴᠢ ᠪᠡᠷ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠪ.ᠡ- ᠳ᠋ᠦ ᠒-᠑᠕ ᠰᠠᠶᠠ ᠲᠥᢉᠦᠷᠢᢉ ᠢ᠋ ᠲᠡᢉᠦᠨ ᠦ᠋ ᠲᠥᠷᠦᢉᠰᠡᠨ ᠳᠡᢉᠦ ᠪ.ᠡ- ᠶ᠋ᠢᠨ ᢈᠢ ᠨᠢ ᠳᠠᠩᠰᠠ ᠪᠠᠷ ᠰᠢᠯᠵᠢᢉᠦᠯᠵᠦ ᠬᠠᠬᠠᠤᠯᠢ ᠥᢉᠦᢉᠰᠡᠨ ᠦᠢᠯᠡᠳᠦᠯ ᠦ᠋ᠳ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠒.᠕ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠑ ᠳ᠋ᠡᢈᠢ (ᠬᠠᠬᠠᠤᠯᠢ ᠥᢉᢈᠦ) ᢈᠡᠰᠡᢉ ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠲᠤᠰ ᠲᠤᠰ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ᠂ ᠳᠡᢉᠦᠷᢉᠡ ᠶ᠋ᠢᠨ ᠡᠷᠦᢉᠦ᠂ ᠢᠷᢉᠡᠨ ᠦ᠋ ᢈᠢᠯᠪᠠᠷ ᠠᠵᠢᠯᠯᠠᠭᠠᠨ ᠤ᠋ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠲᠣᠢᠷᠢᠭ ᠤ᠋ᠨ ᠰᠢᢉᠦᢈᠦ ᠳ᠋ᠦ;
- ᠰ.ᠰ ᠨᠢ “ᠣᠢ ᠶ᠋ᠢᠨ ᢈᠥᠨᠥᢉᠡᠯᠲᠦ ᠱᠠᠪᠢᠵᠢ ᠲᠠᠢ ᠲᠡᠮᠡᠴᠡᢈᠦ ᠠᠵᠢᠯ ᠤ᠋ᠨ ᢉᠦᠢᠴᠡᠳ᠋ᢈᠡᠯ ᠳ᠋ᠦ ᠱᠠᠭᠠᠷᠳᠯᠠᠭᠠ ᠲᠠᠢ ᠲᠧᢈᠨᠢᠻ᠂ ᠪᠠᠭᠠᠵᠢ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ᠂ ᠬᠤᠪᠴᠠᠰᠤ ᢈᠡᠷᠡᢉᠰᠡᠯ ᠢ᠋ᠶᠡᠷ ᠬᠠᠩᠭᠠᠬᠤ ᠨᠡᠶᠢᠯᠡᢉᠦᠯᢉᠴᠢ ᠶ᠋ᠢ ᠰᠣᠩᠭᠣᠨ ᠰᠢᠯᠭᠠᠷᠠᠭᠤᠯᠬᠤ” ᠲᠧᠨᠳᠧᠷ ᠲᠦ “ᠬ...” ᠬᠬᠻ- ᠶ᠋ᠢᠨ ᠨᠡᠷᠡ ᠪᠡᠷ ᠣᠷᠣᠯᠴᠠᠨ ᠰᠢᠯᠭᠠᠷᠠᠭᠰᠠᠨ ᠤ᠋ ᠬᠠᠷᠢᠭᠤ ᠳ᠋ᠤ ᠦᠨᠡᠯᢉᠡᠨ ᠦ᠋ ᠬᠣᠷᠣᠭᠠᠨ ᠤ᠋ ᠨᠡᠷᠡ ᠪᠦᢈᠦᠢ ᠭᠤᠷᠪᠠᠨ ᢉᠢᠰᠢᢉᠦᠨ ᠳ᠋ᠦ ᠪᠦᠷᠢᠨ ᠡᠷᢈᠡ᠂ ᠠᠯᠪᠠᠨ ᠲᠤᠰᠢᠶᠠᠯ ᠤ᠋ᠨ ᠪᠠᠶᠢᠳᠠᠯ ᠲᠠᠢ ᠨᠢ ᠬᠣᠯᠪᠤᠭᠳᠠᠭᠤᠯᠤᠨ ᠑᠒ ᠰᠠᠶᠠ ᠲᠥᢉᠦᠷᠢᢉ ᠦ᠋ᠨ ᠬᠠᠬᠠᠤᠯᠢ ᠥᢉᠦᢉᠰᠡᠨ ᠦᠢᠯᠡᠳᠦᠯ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠒.᠕ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠑ ᠳ᠋ᠡᢈᠢ (ᠬᠠᠬᠠᠤᠯᠢ ᠥᢉᢈᠦ) ᢈᠡᠰᠡᢉ ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ ᠳᠡᢉᠦᠷᢉᠡ ᠶ᠋ᠢᠨ ᠡᠷᠦᢉᠦ᠂ ᠢᠷᢉᠡᠨ ᠦ᠋ ᢈᠢᠯᠪᠠᠷ ᠠᠵᠢᠯᠯᠠᠭᠠᠨ ᠤ᠋ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠲᠣᠢᠷᠢᠭ ᠤ᠋ᠨ ᠰᠢᢉᠦᢈᠦ ᠳ᠋ᠦ;
- ᠯ.ᠠ ᠨᠢ ᠤᠯᠤᠰ ᠤ᠋ᠨ ... ᠲᠥᠪ ᠡᠮᠨᠡᠯᢉᠡ ᠶ᠋ᠢᠨ ᠵᠢᠷᠦᢈᠡᠨ ᠦ᠋ ᠲᠥᠪ ᠦ᠋ᠨ ᠳᠠᠷᠤᠭᠠ ᠪᠠᠷ ᠪᠤᠶᠤ ᠨᠡᠶᠢᠲᠡ ᠶ᠋ᠢᠨ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠢ᠋ᠶᠠᠷ ᠠᠵᠢᠯᠯᠠᠵᠤ ᠪᠠᠶᠢᠬᠤ ᠳᠠᠭᠠᠨ ᠲᠤᠰ ᠲᠥᠪ ᠢ᠋ᠶᠡᠷ ᠦᠢᠯᠡᠴᠢᠯᠡᢉᠦᠯᠦᢉᠰᠡᠨ ᠗ ᠢᠷᢉᠡᠨ ᠦ᠋ ᠣᠷᠣᠨ ᠤ᠋ ᠲᠥᠯᠦᠪᠦᠷᠢ ᠶ᠋ᠢ ᠠᠪᠬᠤ ᠳᠠᠭᠠᠨ ᠠᠬᠯᠠᠬᠤ ᠰᠤᠪᠢᠯᠠᠭᠴᠢ ᠶ᠋ᠢᠨ ᠳᠠᠩᠰᠠ ᠪᠠᠷ ᠨᠡᠶᠢᠲᠡ ᠓.᠑ ᠰᠠᠶᠠ ᠲᠥᢉᠦᠷᠢᢉ ᠢ᠋ ᠰᠢᠯᠵᠢᢉᠦᠯᠦᠨ ᠠᠪᠴᠤ᠂ ᠥᠪᠡᠷ ᠲᠦ ᠪᠡᠨ ᠡᠳ ᠦ᠋ᠨ ᠵᠠᠰᠠᠭ ᠤ᠋ᠨ ᠳᠠᠪᠠᠭᠤ ᠪᠠᠶᠢᠳᠠᠯ ᠪᠤᠢ ᠪᠣᠯᠭᠠᠭᠰᠠᠨ ᠦᠢᠯᠡᠳᠦᠯ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠒.᠑ ᠳ᠋ᠦ᠋ᢉᠡᠷ ᠵᠦᠢᠯ ᠦ᠋ᠨ ᠑ ᠳ᠋ᠡᢈᠢ ᢈᠡᠰᠡᢉ (ᠡᠷᢈᠡ ᠮᠡᠳᠡᠯ᠂ ᠠᠯᠪᠠᠨ ᠲᠤᠰᠢᠶᠠᠯ ᠤ᠋ᠨ ᠪᠠᠶᠢᠳᠠᠯ ᠢ᠋ᠶᠠᠨ ᠤᠷᠪᠠᠭᠤᠯᠤᠨ ᠠᠰᠢᠭᠯᠠᠬᠤ)- ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠨ ᠪᠠᠶᠠᠨᠵᠢᠷᠦᢈᠡ᠂ ᠰᠦᢈᠡᠪᠠᠭᠠᠲᠤᠷ᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠡᠷᠦᢉᠦ ᠶ᠋ᠢᠨ ᢈᠡᠷᠡᢉ ᠦ᠋ᠨ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠲᠣᠢᠷᠢᠭ ᠤ᠋ᠨ ᠰᠢᢉᠦᢈᠦ ᠳ᠋ᠦ;
ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠮᠠᠩᠰᠤᠷᠠᠭᠤᠯᠬᠤ ᠡᠮ᠂ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠢ᠋ ᠬᠠᠤᠯᠢ ᠪᠤᠰᠤ ᠪᠠᠷ ᠨᠡᠪᠲᠡᠷᠡᢉᠦᠯᠦᢉᠰᠡᠨ ᢈᠡᠷᠡᢉ ᠦ᠋ᠳ ᠢ᠋ ᠰᠢᢉᠦᢈᠦ ᠳ᠋ᠦ ᠰᠢᠯᠵᠢᢉᠦᠯᠯᠦᢉᠡ
- ᠪ.ᠪ ᠨᠢ ᠬᠣᠷᠢᠭᠯᠠᠭᠰᠠᠨ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠤᠷᠭᠤᠮᠠᠯ ᠢ᠋ ᠬᠤᠳᠠᠯᠳᠠᠭᠠᠯᠠᠬᠤ ᠵᠣᠷᠢᠯᠭᠠ ᠦᢉᠡᠢ ᠪᠡᠷ ᠲᠡᢉᠦᠵᠦ᠂ ᠬᠠᠤᠯᠢ ᠪᠤᠰᠤ ᠪᠠᠷ ᠪᠡᠯᠡᠳ᠋ᢈᠡᢉᠰᠡᠨ᠂ ᠪᠡᠶᠡ ᠳ᠋ᠦ ᠪᠡᠨ ᠬᠠᠳᠠᠭᠠᠯᠠᠭᠰᠠᠨ ᠦᠢᠯᠡᠳᠦᠯ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠐.᠗ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠑ ᠳ᠋ᠡᢈᠢ ᢈᠡᠰᠡᢉ (ᠮᠠᠩᠰᠤᠷᠠᠭᠤᠯᠬᠤ ᠡᠮ᠂ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠬᠠᠤᠯᠢ ᠪᠤᠰᠤ ᠪᠠᠷ ᠠᠰᠢᠭᠯᠠᠬᠤ)- ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ ᠪᠠᠶᠠᠨᠭᠣᠣᠯ᠂ ᠬᠠᠨ-ᠠᠭᠤᠯᠠ᠂ ᠰᠣᠩᢉᠢᠨᠠᠬᠠᠶᠢᠷᠬᠠᠨ ᠳᠡᢉᠦᠷᢉᠡ ᠶ᠋ᠢᠨ ᠡᠷᠦᢉᠦ ᠶ᠋ᠢᠨ ᢈᠡᠷᠡᢉ ᠦ᠋ᠨ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠲᠣᠢᠷᠢᠭ ᠤ᠋ᠨ ᠰᠢᢉᠦᢈᠦ ᠳ᠋ᠦ;
- ᠨ.ᠮ ᠨᠢ ᠒᠐᠒᠖ ᠣᠨ ᠤ᠋ ᠗ ᠳ᠋ᠤᠭᠠᠷ ᠰᠠᠷᠠ ᠳ᠋ᠤ … ᠠᠶᠢᠮᠠᠭ ᠤ᠋ᠨ ᠨᠤᠲᠤᠭ ᠳᠡᠪᠢᠰᢈᠡᠷ ᠡᠴᠡ ᠲᠧᠲᠷᠠᠭᠢᠳᠷᠣᠻᠠᠨᠨᠠᠪᠢᠨᠣᠯ ᠤ᠋ᠨ ᠠᠭᠤᠯᠤᠮᠵᠢ ᠲᠠᠢ “ᠰᠢᠪᠠᠷ”᠂ ᠮᠧᠲᠠᠹᠧᠲᠠᠮᠢᠨ ᠦ᠋ ᠠᠭᠤᠯᠤᠮᠵᠢ ᠲᠠᠢ “ᠮᠥᠰᠦ” ᢉᠡᢈᠦ ᢈᠡᠷᠡᢉᠯᠡᢉᠡᠨ ᠦ᠋ ᠨᠡᠷᠡᠰᠢᠯ ᠲᠡᠢ ᠬᠣᠷᠢᠭᠯᠠᠭᠰᠠᠨ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠤ᠋ᠳ ᠢ᠋ ᠬᠤᠳᠠᠯᠳᠠᠭᠠᠯᠠᠬᠤ ᠵᠣᠷᠢᠯᠭᠠ ᠦᢉᠡᠢ ᠪᠡᠷ ᠪᠤᠰᠤᠳ ᠠ᠋ᠴᠠ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ᠂ ᠪᠡᠶᠡ ᠳ᠋ᠦ ᠪᠡᠨ ᠬᠠᠳᠠᠭᠠᠯᠠᠭᠰᠠᠨ ᠦᠢᠯᠡᠳᠦᠯ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠐.᠗ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠑ ᠳ᠋ᠡᢈᠢ ᢈᠡᠰᠡᢉ (ᠮᠠᠩᠰᠤᠷᠠᠭᠤᠯᠬᠤ ᠡᠮ᠂ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠬᠠᠤᠯᠢ ᠪᠤᠰᠤ ᠪᠠᠷ ᠠᠰᠢᠭᠯᠠᠬᠤ)- ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ᠂ ᠪᠠᠶᠠᠨᠵᠢᠷᠦᢈᠡ᠂ ᠰᠦᢈᠡᠪᠠᠭᠠᠲᠤᠷ᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠡᠷᠦᢉᠦ ᠶ᠋ᠢᠨ ᢈᠡᠷᠡᢉ ᠦ᠋ᠨ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠲᠣᠢᠷᠢᠭ ᠤ᠋ᠨ ᠰᠢᢉᠦᢈᠦ ᠳ᠋ᠦ;
- ᠴ.ᢉ ᠨᠢ ᠒᠐᠒᠕ ᠣᠨ ᠤ᠋ ᠘ ᠳ᠋ᠤᠭᠠᠷ ᠰᠠᠷᠠ ᠳ᠋ᠤ … ᠠᠶᠢᠮᠠᠭ ᠤ᠋ᠨ ᠨᠤᠲᠤᠭ ᠳᠡᠪᠢᠰᢈᠡᠷ ᠡᠴᠡ ᠬᠣᠷᠢᠭᠯᠠᠭᠰᠠᠨ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠢ᠋ ᠬᠤᠳᠠᠯᠳᠠᠭᠠᠬᠤ ᠵᠣᠷᠢᠯᠭᠠ ᠦᢉᠡᠢ ᠪᠡᠷ ᠲᠡᢉᠦᠵᠦ ᠪᠡᠯᠡᠳ᠋ᢈᠡᢉᠰᠡᠨ᠂ ᠬᠠᠳᠠᠭᠠᠯᠠᠭᠰᠠᠨ᠂ ᠲ.ᠪ- ᠲᠠᠢ ᠪᠦᠯᠦᢉᠯᠡᠨ ᠣᠯᠤᠰᠤᠨ ᠤ᠋ ᠤᠷᠭᠤᠮᠠᠯ ᠪᠤᠶᠤ ᠬᠣᠷᠢᠭᠯᠠᠭᠰᠠᠨ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠢ᠋ ᠥᠪᠡᠷ ᠦ᠋ᠨ ᠬᠤᠳᠠᠯᠳᠠᠭᠠᠯᠠᠬᠤ ᠵᠣᠷᠢᠯᠭᠠ ᠦᢉᠡᠢ ᠪᠡᠷ ᠬᠠᠤᠯᠢ ᠪᠤᠰᠤ ᠪᠠᠷ ᠲᠡᢉᠦᠵᠦ ᠪᠡᠯᠡᠳ᠋ᢈᠡᢉᠰᠡᠨ᠂ ᠬᠠᠳᠠᠭᠠᠯᠠᠭᠰᠠᠨ ᠦᠢᠯᠡᠳᠦᠯ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠐.᠗ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠑ ᠳ᠋ᠡᢈᠢ ᢈᠡᠰᠡᢉ (ᠮᠠᠩᠰᠤᠷᠠᠭᠤᠯᠬᠤ ᠡᠮ᠂ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠬᠠᠤᠯᠢ ᠪᠤᠰᠤ ᠪᠠᠷ ᠠᠰᠢᠭᠯᠠᠬᠤ)- ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ᠂ ᠪᠠᠶᠠᠨᠵᠢᠷᠦᢈᠡ᠂ ᠰᠦᢈᠡᠪᠠᠭᠠᠲᠤᠷ᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠡᠷᠦᢉᠦ ᠶ᠋ᠢᠨ ᢈᠡᠷᠡᢉ ᠦ᠋ᠨ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠲᠣᠢᠷᠢᠭ ᠤ᠋ᠨ ᠰᠢᢉᠦᢈᠦ ᠳ᠋ᠦ;
- ᠪ.ᠴ᠂ ᠤ.ᠳ ᠨᠠᠷ ᠨᠢ ᠪᠦᠯᠦᢉᠯᠡᠨ ᠒᠐᠒᠖ ᠣᠨ ᠤ᠋ ᠒ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠑᠑- ᠦ᠋ ᠡᠳᠦᠷ “ᠮᠥᠰᠦ” ᢉᠡᢈᠦ ᢈᠡᠷᠡᢉᠯᠡᢉᠡᠨ ᠦ᠋ ᠨᠡᠷᠡᠰᠢᠯ ᠲᠡᠢ ᠬᠣᠷᠢᠭᠯᠠᠭᠰᠠᠨ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠢ᠋ ᠬᠤᠳᠠᠯᠳᠠᠭᠠᠯᠠᠬᠤ ᠵᠣᠷᠢᠯᠭᠠ ᠦᢉᠡᠢ ᠪᠡᠷ ᠬᠠᠳᠠᠭᠠᠯᠠᠭᠰᠠᠨ ᠦᠢᠯᠡᠳᠦᠯ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠐.᠗ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠑᠂ ᠒ ᠳ᠋ᠠᢈᠢ ᢈᠡᠰᠡᢉ (ᠮᠠᠩᠰᠤᠷᠠᠭᠤᠯᠬᠤ ᠡᠮ᠂ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠬᠠᠤᠯᠢ ᠪᠤᠰᠤ ᠪᠠᠷ ᠠᠰᠢᠭᠯᠠᠬᠤ)- ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ᠂ ᠪᠠᠶᠠᠨᠵᠢᠷᠦᢈᠡ᠂ ᠰᠦᢈᠡᠪᠠᠭᠠᠲᠤᠷ᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠡᠷᠦᢉᠦ ᠶ᠋ᠢᠨ ᢈᠡᠷᠡᢉ ᠦ᠋ᠨ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠲᠣᠢᠷᠢᠭ ᠤ᠋ᠨ ᠰᠢᢉᠦᢈᠦ ᠳ᠋ᠦ;
- ᠵ.ᠠ ᠨᠢ ᠒᠐᠒᠓ ᠣᠨ ᠤ᠋ ᠖ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠑᠕- ᠤ᠋ ᠡᠳᠦᠷ ᠢᠰᠲᠠᠨᠪᠤᠯ-ᠤᠯᠠᠭᠠᠨᠪᠠᠭᠠᠲᠤᠷ ᠴᠢᢉᠯᠡᠯ ᠦ᠋ᠨ ᠨᠢᠰᢈᠡᠯ ᠢ᠋ᠶᠡᠷ ᠵᠣᠷᠴᠢᠨ ᠢᠷᠡᢈᠦ ᠳᠡᢉᠡᠨ ᠮᠧᠲᠠᠹᠢᠲᠠᠮᠢᠨ ᠦ᠋ ᠠᠭᠤᠯᠤᠮᠵᠢ ᠲᠠᠢ “ᠮᠥᠰᠦ” ᢉᠡᢈᠦ ᢈᠡᠷᠡᢉᠯᠡᢉᠡᠨ ᠦ᠋ ᠨᠡᠷᠡᠰᠢᠯ ᠲᠡᠢ ᠕᠑᠑.᠘ ᠭᠷᠠᠮ ᠵᠢᠩ ᠲᠡᠢ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠢ᠋ ᠥᠪᠡᠷ ᠦ᠋ᠨ ᠠᠴᠢᠶᠠ ᠲᠡᢉᠡᠰᠢ ᠳᠣᠲᠤᠷᠠ ᠨᠢᠭᠤᠵᠤ᠂ ᠬᠤᠳᠠᠯᠳᠠᠭᠠᠯᠠᠬᠤ ᠵᠣᠷᠢᠯᠭᠠ ᠪᠠᠷ ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠦᠯᠦᢉᠰᠡᠨ᠂
- ᠲ.ᠮ ᠨᠢ ᠒᠐᠒᠖ ᠣᠨ ᠤ᠋ ᠙ ᠳ᠋ᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠒᠓- ᠤ᠋ ᠡᠳᠦᠷ ᠪᠡᢉᠡᠵᠢᠩ-ᠤᠯᠠᠭᠠᠨᠪᠠᠭᠠᠲᠤᠷ ᠴᠢᢉᠯᠡᠯ ᠦ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠨᠢᠰᢈᠡᠯ ᠢ᠋ᠶᠡᠷ ᠵᠣᠷᠴᠢᠨ ᠢᠷᠡᢈᠦ ᠳᠡᢉᠡᠨ ᠮᠧᠲᠠᠹᠢᠲᠠᠮᠢᠨ ᠦ᠋ ᠠᠭᠤᠯᠤᠮᠵᠢ ᠲᠠᠢ “ᠮᠥᠰᠦ” ᢉᠡᢈᠦ ᢈᠡᠷᠡᢉᠯᠡᢉᠡᠨ ᠦ᠋ ᠨᠡᠷᠡᠰᠢᠯ ᠲᠡᠢ ᠗᠐.᠒ ᠭᠷᠠᠮ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠢ᠋ ᠥᠪᠡᠷ ᠦ᠋ᠨ ᠪᠡᠶᠡ ᠳ᠋ᠦ ᠪᠡᠨ ᠨᠢᠭᠤᠵᠤ ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠦᠯᠦᢉᠰᠡᠨ ᠦᠢᠯᠡᠳᠦᠯ ᠢ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠒᠐.᠗ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠓ ᠳ᠋ᠠᢈᠢ ᢈᠡᠰᠡᢉ (ᠮᠠᠩᠰᠤᠷᠠᠭᠤᠯᠬᠤ ᠡᠮ᠂ ᠰᠡᠳ᠋ᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠢᠰ ᠬᠠᠤᠯᠢ ᠪᠤᠰᠤ ᠪᠠᠷ ᠠᠰᠢᠭᠯᠠᠬᠤ)- ᠲᠦ ᠵᠠᠭᠠᠭᠰᠠᠨ ᠢ᠋ᠶᠠᠷ ᠲᠤᠰ ᠲᠤᠰ ᠵᠦᠢᠯᠴᠢᠯᠡᠵᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ ᠲᠥᠪ ᠠᠶᠢᠮᠠᠭ ᠳ᠋ᠠᢈᠢ ᠰᠤᠮᠤ ᠳᠤᠮᠳᠠ ᠶ᠋ᠢᠨ ᠠᠩᠬᠠᠨ ᠱᠠᠲᠤ ᠶ᠋ᠢᠨ ᠰᠢᢉᠦᢈᠦ ᠳ᠋ᠦ ᠲᠤᠰ ᠲᠤᠰ ᠰᠢᠯᠵᠢᢉᠦᠯᠯᠦᢉᠡ᠃