ᠬᠠᠤᠯᠢ ᠪᠤᠰᠤ ᠪᠠᠷ ᠮᠥᠷᠳᠡᠵᠦ ᠮᠥᠰᢉᠢᢈᠦ ᠨᠢ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠪᠠᠷ ᠬᠣᠷᠢᠭᠯᠠᠭᠰᠠᠨ ᠦᠢᠯᠡᠳᠦᠯ ᠶᠤᠮ
ᠬᠠᠤᠯᠢ ᠪᠤᠰᠤ ᠪᠠᠷ ᠮᠥᠷᠳᠡᠵᠦ ᠮᠥᠰᢉᠢᢈᠦ ᢉᠡᠮᠲᠦ ᢈᠡᠷᠡᢉ ᠨᠢ ᠒᠐᠑᠕ ᠣᠨ ᠤ᠋ ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ ᠳ᠋ᠤ ᠰᠢᠨᠡ ᠪᠡᠷ ᠲᠤᠰᠭᠠᠭᠳᠠᠭᠰᠠᠨ ᠰᠢᠨᠡ ᠲᠥᠷᠦᠯ ᠦ᠋ᠨ ᢉᠡᠮᠲᠦ ᢈᠡᠷᠡᢉ ᠪᠥᢉᠡᠳ ᢈᠦᠮᠦᠨ ᠦ᠋ ᠡᠷᢈᠡ᠂ ᠡᠷᢈᠡ ᠴᠢᠯᠦᢉᠡ᠂ ᠬᠤᠪᠢ ᢈᠦᠮᠦᠨ ᠦ᠋ ᠬᠠᠯᠳᠠᠰᠭᠦᠢ ᠪᠠᠶᠢᠳᠠᠯ ᠢ᠋ ᠬᠠᠮᠠᠭᠠᠯᠠᠬᠤ ᠡᠷᢈᠡ ᠵᠦᠢ ᠶ᠋ᠢᠨ ᠪᠠᠲᠤᠯᠭᠠ ᠶᠤᠮ᠃ ᠲᠧᢈᠨᠢᠻ ᠲᠧᢈᠨᠣᠯᠣᢉᠢ ᠶ᠋ᠢᠨ ᢈᠥᢉᠵᠢᠯ᠂ ᠴᠠᢈᠢᠮ ᠣᠷᠴᠢᠨ ᠤ᠋ ᢈᠡᠷᠡᢉᠯᠡᢉᠡ ᠲᠡᠢ ᠬᠣᠯᠪᠤᠭᠠ ᠲᠠᠢ ᠪᠠᠷ ᠬᠠᠤᠯᠢ ᠪᠤᠰᠤ ᠪᠠᠷ ᠮᠥᠷᠳᠡᠵᠦ ᠮᠥᠰᢉᠢᢈᠦ ᢉᠡᠮᠲᠦ ᢈᠡᠷᠡᢉ ᠥᠰᠦᠵᠡᠢ᠃
ᠲᠤᠬᠠᠶᠢᠯᠪᠠᠯ ᠫᠷᠣᠻᠦ᠋ᠷᠣᠷ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠰᠡᢉᠦᠯ ᠦ᠋ᠨ ᠓ ᠵᠢᠯ ᠦ᠋ᠨ ᠪᠠᠶᠢᠳᠠᠯ ᠢ᠋ᠶᠠᠷ ᠬᠠᠤᠯᠢ ᠪᠤᠰᠤ ᠪᠠᠷ ᠮᠥᠷᠳᠡᠵᠦ ᠮᠥᠰᢉᠢᢈᠦ ᠑᠖ ᢈᠡᠷᠡᢉ ᠲᠦ ᠶᠠᠯᠯᠠᠬᠤ ᠳᠦᢉᠨᠡᠯᠲᠡ ᠦᠢᠯᠡᠳᠦᠵᠦ᠂ ᠰᠢᢉᠦᢈᠦ ᠳ᠋ᠦ ᠰᠢᠯᠵᠢᢉᠦᠯᠵᠦ ᠰᠢᠢᠳᠪᠦᠷᠢᠯᠡᢉᠰᠡᠨ ᠪᠠᠶᠢᠨᠠ᠃

ᠡᠷᠦᢉᠦ ᠶ᠋ᠢᠨ ᠬᠠᠤᠯᠢ
᠑᠓.᠑᠒ ᠳᠤᠭᠠᠷ ᠵᠦᠢᠯ᠃ ᠬᠠᠤᠯᠢ ᠪᠤᠰᠤ ᠪᠠᠷ ᠮᠥᠷᠳᠡᠵᠦ ᠮᠥᠰᢉᠢᢈᠦ
᠑. ᠮᠥᠷᠳᠡᠨ ᠰᠢᠯᠭᠠᠬᠤ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠬᠤ ᠡᠷᢈᠡ ᠦᢉᠡᠢ ᠡᠲᠡᢉᠡᠳ ᠪᠤᠰᠤᠳ ᠢ᠋ ᠮᠥᠷᠳᠡᠨ ᠮᠥᠰᢉᠢᢉᠰᠡᠨ ᠪᠣᠯ ᠖ ᠰᠠᠷᠠ ᠠ᠋ᠴᠠ ᠑ ᠵᠢᠯ ᢈᠦᠷᠲᠡᠯᠡ ᠬᠤᠭᠤᠴᠠᠭᠠ ᠪᠠᠷ ᠵᠣᠷᠴᠢᠬᠤ ᠡᠷᢈᠡ ᠶ᠋ᠢ ᢈᠢᠵᠠᠭᠠᠷᠯᠠᠬᠤ᠂ ᠡᠰᠡᢈᠦᠯ ᠖ ᠰᠠᠷᠠ ᠠ᠋ᠴᠠ ᠑ ᠵᠢᠯ ᢈᠦᠷᠲᠡᠯᠡ ᠬᠤᠭᠤᠴᠠᠭᠠ ᠪᠠᠷ ᠬᠣᠷᠢᠬᠤ ᠶᠠᠯᠠ ᠰᠢᠢᠳ᠋ᢈᠡᠨᠡ᠃
᠒. ᠡᠷᢈᠡ ᠪᠦᢈᠦᠢ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠠᠵᠢᠯ ᠡᢉᠦᠷᢉᠡ ᠪᠡᠨ ᢉᠦᠢᠴᠡᠳ᠋ᢈᠡᢈᠦ ᠶᠠᠪᠤᠴᠠ ᠳ᠋ᠠᠭᠠᠨ ᠬᠠᠤᠯᠢ ᠵᠥᠷᠢᠴᠡᠵᠦ ᠮᠥᠷᠳᠡᠨ ᠰᠢᠯᠭᠠᠬᠤ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠤᠭᠰᠠᠨ᠂ ᠬᠤᠪᠢ ᠶ᠋ᠢᠨ ᠵᠣᠷᠢᠯᠭᠠ ᠪᠠᠷ ᠠᠯᠪᠠᠨ ᠤ᠋ ᠲᠧᢈᠨᠢᠻ ᢈᠡᠷᠡᢉᠰᠡᠯ ᠢ᠋ ᠠᠰᠢᠭᠯᠠᠨ ᠪᠤᠰᠤᠳ ᠢ᠋ ᠮᠥᠷᠳᠡᠵᠦ ᠮᠥᠰᢉᠢᢉᠰᠡᠨ ᠪᠣᠯ ᠕᠔᠐᠐ ᠨᠢᢉᠡᠴᠡ ᠡᠴᠡ ᠒᠗ ᠮᠢᠩᠭᠠᠨ ᠨᠢᢉᠡᠴᠡ ᠲᠡᠢ ᠲᠡᠨᠴᠡᢈᠦ ᢈᠡᠮᠵᠢᠶᠡᠨ ᠦ᠋ ᠲᠥᢉᠦᠷᠢᢉ ᠢ᠋ᠶᠡᠷ ᠲᠣᠷᠭᠠᠬᠤ᠂ ᠡᠰᠡᢈᠦᠯ ᠑ ᠵᠢᠯ ᠡᠴᠡ ᠕ ᠵᠢᠯ ᢈᠦᠷᠲᠡᠯᠡ ᠬᠤᠭᠤᠴᠠᠭᠠ ᠪᠠᠷ ᠬᠣᠷᠢᠬᠤ ᠶᠠᠯᠠ ᠰᠢᠢᠳ᠋ᢈᠡᠨᠡ᠃